Paisaia gure identitatean sarturik dugu, bai ingurune naturalean duguna bai gure herritako ikuspegia ere. Paisaia hala ere, elementu kulturala da, erabat subjektiboa, bakoitzaren ikuspegiak sortzen duena, baina kolektiboak bere egiten duena. Bestalde, paisaiaren kudeaketa ez da ezer subjektiboa, paisaiaren kudeaketan naturaren, biodibertsitatearen, kulturaren, ondarearen eta identitatearen zaintza eta kontserbazioa dira, eta era berean, bizi kalitatea hobetzea eta inguruko ikuspegiaren zaintza esan nahi du. Horretarako ordea, hainbat tresna eta lege behar direlarik.

Euskal Autonomia Erkidegoan Paisaiaren legearen aurreproiektua onartu izanak, eta honek berak egingo duen bideagatik, garrantzitsutzat ikusi da Ingurugiro Etxea Fundazioaren aldetik legea aurkeztu eta berak dakartzan aldaketetarako formakuntzarekin hastea. Horretarako, jardunaldi tekniko honen helburua gaia mahai gainean jarri eta bai tokiko administrazio publikoei bai aholkularitza enpresei legea zein bidetatik doan erakusteaz gain nolako eskakizunak izango dituen eta horretara prestatzen hasteko ildoak zehaztea da.

Jardunaldian izandako hitzaldien ponentziak nahi izanez gero sakatu hemen