Maketa honetan ondorengo hauek azaltzen dira: hirietan erabiltzen diren energi iturri nagusiak, horiek sortzen dituzten eraginik garrantzitsuenak eta kontsumorako energia erabilgarria bilakatzeko instalazioak.

Era berean, energia eta hori produzitzen duten erregaiak garraiatzeko erabiltzen diren bide ezberdinak ere ikus daitezke.

Maketaren elementuak (ezkerretik eskuinera)	Interpretazioa
Itsasoko plataforma horia	Gas naturalaren erauzketa
Heliportua duen itsasoko plataforma gorria	Zorupeko petrolioaren erauzketa
Terminalean ainguratutako petroliontzia	Sotoetan biltegiratutako petrolio gordinaren hustuketa
Errefinategiraino doazen hodi zuriak	Petrolioaren garraioa errefinategiraino
Erdibitutako petroliontzia	Petrolioaren garraioan gertatzen diren istripuak. Petrolio gordinaren isurketa uretan
Erdibitutako petroliontziaren inguruan hedatutako orban beltza	Uraren poluzioa. Itsasoko fauna eta floraren gaineko eraginak. Itsasertzaren poluzioa, isuritako petrolio gordinaren eraginez
Kolore zuriko instalazioa kostaldetik hurbil	Birfindegia. Petrolioaren birfinketa. Hainbat erregairen ekoizpena (gas-olioa, fuela, gasolinak,…). Hidrokarburo petrokimikoen edo beste substantzia batzuk eragindako poluzioa
Kolore horiko esfera errefinategian	Gas-depositua
Hodi horia maketan zehar	Gas naturalaren garraioa
Ke zuria darien laranja-koloreko tximiniak dituen instalazio zuria	Zentral termikoa. Elektrizitatearen ekoizpena, erregai fosilak (ikatza eta fuela kasu) erretzearen eraginez
Urtegia	Produkzio hidroelektrikoa, gradiente potentziala aprobetxatuta
Itsasora heltzen den eta kolore marroiko atalak dituen ibaia	Urtegiaren menpe dagoen emaria. Agente poluzitzaileen isurketa itsasora
Kolore zuriko instalazioa ibaiaren eskuineko aldean	Zentral nuklearra. Elektrizitatearen ekoizpena, haizearen energia aprobetxatuz
7 aerosorgailu mendi-tontorretan	Elektrizitate industrialaren produkzioa, haizearen energia aprobetxatuz
Tentsio altuko dorrea	Instalazio ezberdinetan sortutako energia elektrikoaren garraioa
2 aerosorgailu eta eguzki-plaken 2 multzo dituzten 3 baserri	Autosufizientzia energetikoa. Elektrizitatearen ekoizpena, eguzki energia aprobetxatuz
Ikatz-meategia	Ikatzaren erauzketa (zentral termikoaren hornikuntza)