Garraioak, eta bereziki ibilgailu pribatuak, giza harremanak erraztu, gune askotara heltzea ahalbideratu, distantziak murriztu eta aurretiaz pentsaezinak ziren tokiak gure eskura jartzen ditu.

Baina baditu eragozpenak ere:

• Azpiegiturak behar ditu
• Lurzorua eta izugarrizko hiri-eremuak hartzen ditu
• Zarata eragiten du
• Atmosfera kutsatzen du
• Klima-aldaketaren eragile garrantzitsuenetakoa da
• Istripuak eragiten ditu
• Energia-baliabide piloa kontsumitzen du
• Hondakin kutsatzaileak ekoizten ditu

Konponbideak bilatzen dira:

• Ohiko hidrokarburoen ordez bioerregaiak erabiltzea
• Autobus eta auto elektrikoak sustatzea
• Bi energia-iturri (bateria kargagarriak eta ohiko motorrak) konbinatzen dituzten ibilgailu hibridoak erabiltzea
• Erregai-pilekin hornitutako ibilgailuak erabiltzea, hidrogeno-iturri batez funtzionatzen dutenak

Edo hobeto, ibilgailu pribatuetan gutxiago bidaiatzea?