Bioaniztasuna
Parke baten balioa
Zertarako balio du parke batek?
Parke batek paseatzeko, jolasteko eta atsedena hartzeko balio du Seguru? Edo baditu beste balio batzuk ere?
Balio klimatikoak eta ingurugiro-balioak
Parkeek hirietako mikroklima orekatzen laguntzen dute.
Parke batek paseatzeko, jolasteko eta atsedena hartzeko balio du Seguru? Edo baditu beste balio batzuk ere?
Balio klimatikoak eta ingurugiro-balioak
Parkeek hirietako mikroklima orekatzen laguntzen dute.
- Inguruneko tenperatura jaisten dute.
- Bertara joaten diren hiritarrei itzala ematen diete.
- Bertako landaretzak inguruneko hezetasuna handitzen du.
- Hiria oxigenatu eta CO2a hartzen dute.
- Gas kutsakorrak hartu eta hauts, errauts, polen, eta abarreko partikulak hartzen dituztenez hiriko airea garbi mantentzen dute (hiri-kutsadura
gutxitzen dute). - Bertako landaretzak haizearen aurkako hesi naturala osatzen du.
- Hiriko zarata leuntzen dute.
- Zuhaitz askok eragin bakterizida dutenez, ingurunean dauden mikroorganismo kopurua gutxitzen dute.
Laburbilduz! Hiriguneen ingurumen-inpaktua gutxitzen laguntzen dute
Balio biologiko eta naturalak
Parkeek izaera naturala ematen diote hiriari.
- Ingurunean usain gozoa uzten dute.
- Soinu eta kolore aldakor anitz eskaintzen dizkigute (animalien soinuak, haizea, loreen koloreak, zuhaixken hostoak, zuhaitzak…).
- Babestutako espezieen eta arriskuan daudenen aterpe dira.
- Hainbat animalia espezieren habitat naturala dira parkeak.
- Espezie exotiko anitz hartu eta parke botaniko izan daitezke.
- Era askotako eremuz osaturik daudenez, txoko ekologiko ezberdinak eratu daitezke bertan.
- Bertako lekune zabalei esker ez da beharrezkoa zuhaitzak kimatzea eta landaretza nahi beste hazi daite.
Aniztasun biologikoari eusten laguntzen dute
Kultura, historia eta aisialdirako balioa
Parkeek, gizarte eta kulturaren aldetik, hamaika aukera eskaintzen dituzte.
- Parkeko zuhaitzak urte asko bizi direnez, historia eta kulturaren ikur izan daitezke.
- Artearen, kulturaren eta historiaren aldetik garrantzi handiko artelanak eta elementu arkitektonikoak eduki ditzakete.
- Ikaskuntzarako baliagarri izan daitezke, bertako fauna eta landaretza ikertu eta behatu baitezakegu.
- Parkeak era guztietako jendearen topaleku dira.
- Aisialdiko jarduerak eta kirola egiteko leku ezin hobeak dira.
- Bertako fauna eta landaretzari so eginez goza dezakegu.
ongizatea zein bizitza kalitatea hobetzen dute. Egoera fisiko eta psikikoan eragin
positiboa dute.
Herritarren osasuna hobetzen laguntzen dute
Eta, gainera, honako hauetan ere badute eragina...
Ekonomian
- Parkeak interes turistikoa pizten duten guneak dira. Hortaz, hiriko diru-sarrera handitzen dute.
- Parkeak zaindu eta kudeatzeko lanpostu asko sortzen dira.
- Gune berde zabalek urbanizazio berrietako etxebizitzen salmenta erakargarriagoa egiten dute.
- Parkeen gaineko interesak ingurumenari buruzko araudia garatzen laguntzen du.
- Parkeak babesteak hiriko ingurumen-inpaktua gutxitzen laguntzen du.
- Hiritarrek parkeekiko duten interesak, erakundeak hiriguneetan gune berdeak sustatu eta zabaltzera bultzatzen ditu.
Oraindik ere parkeak paseatzeko, jolasteko eta atsedena hartzeko besterik ez direla uste duzu?
